يارب صبرني وإبعد عني الإحساس المؤذي دة , زهقت منه , زهقت من إحساسي الغريب إن كل حاجة مش ف مكانها الطبيعي , ومفيش حاجة لايقة علي بعضها , ومفيش أي حاجة لايقة عليّا .
مش لايق عليّا أي حد م اللي حوليا , ولا صحابي , ولا حتى الكلية الملعونة دي .
مش لايق عليّا لما أكتر حاجة بتبسطني إني أشوف موقف يضحكني وأفضل أضحك وأتعايش مع الموقف أكنه حصلي , وهو محصليش , وأغلب الاوقات كمان مش بيكون موقف لصحابي , لا , دايما ناس غريبة !
مش عليّا التعب والوجع ! مش بحسه مني كدة ولا أنا منه ! , مش بحسه , ببقى مثلا موجوعة بس مش حاسة إن الوجع دة بتاعي " مش لايق عليّا " مش بحس إني مفروض أتوجع !
مش لايق عليّا إني مليش أخت , وف نفس ذات الوقت , مش لايق عليّا إني أعتبر حد من اللي حوليا بدال أختي !
مش لايق عليا صحابي , ومش هتكلم عن النقطة دي عشان مش بحسها ! ولا بحس إني مفروض أشرحها !
ليست هناك تعليقات:
إرسال تعليق