وضاااااااااااااعت الشوّافه بتاعتي .. منه لله اللي كان السبب ..
هو اليوم بدأ طبيعي ... عضيت لساني مرتين .. إمتحان (operation research ) زي الزفت وعلي غير العاده .. وجمله حد كده هو عارف نفسه ( أنا هعيد ) ...وسواق المشروع ...( عااااايز أنجز أنا في الوقت مفييش دماغ أنا مستعجل ) .. وأخيييييييراااا .. ضاااااااعت النضاااااره :(( ... المشكله حاليا إن "الشوّافه" بتاعتي ضاعت ... تكمن المشكله ف أرتباطي -الغريب واللاأرادي- بالأشياء من حولي ... زي مثلا "المشط , الفرشاه , السرير , الكرسي ,مكاني وإحنا بنتغدي ,وطبعا أقلامي والمقلمه ,.......وحاجات كتير جدا , تقريبا كل حاجه بستخدمها "
مينفعش الحاجات اللي زي دي حد غيري يستخدمها ومينفعش أبدااااا إن حد يستخدمها مني ولا حتي يستلفها ..تصل أحيانا إني -مثلا - مبحبش حد يقعد علي سرير ... ولو مجرد إنه قاعد طبيعي ..
ده غير بقي إني لازم أعمل كشف جديد .. وأنزل أختار نظاره جديد وده مش وقته أساسا ومش بلاقي نظارات تليق عليا بسهوله ...
بفففففففففففف عماله ألوك أنا ف كلام لا هيوّدي ولا يجيب ......
بس في الوقت اللي بتكون فيه علي أخرك وتضيع منك حاجه مهما كانت صغيره بتخنقك ممكن تكسرك ...
وفي الختام بنلخص الكلام ....
فقدان شوّافه روان يؤدي إلي أصابتها بحاله من " الخنقه الجامده جدا " التي تؤدي إلي نومها تجنباً لحالات من " العراك " والتأفف .. أيضاً من المتوقع أن يؤثر ذلك علي الجو العام للإمتحان " السباكه واللحام " ... ربنا يُستُر ...
ليست هناك تعليقات:
إرسال تعليق