جنون ..

مش عارفه ايه السبب الرئيسي اللي بيخليني أتنازل عن أغاني ناس من أمثال سيد درويش .. وكاميليا جبران .. وموسيقي عمر خيرت وبيتهوفن وأشعار محمد درويش .. هشام الجخ .... علشان أسمع أغنيه بتقول " أنا نازل يا سعاد خلي بالك م الواد .. اجبله شوكالاته .. واقوله تاتا تاتا " أو مثلا " الدنيا زي المرجيحه يوم تحت وفوق .. " أو رائعه محمد هنيدي " وياسلواااااااااااااا " اللي تقريباً أول ما ببدأ أغني بحس إن الناس كلها بتتفرج علي واحده مجنونه ... وكل ده بيبدأ وقت دخولي من باب العربيه مع عيلتي ... أعتقد السر يكمن في إراده نفسي اللا إراديه في إخراج مشاعر الهبل المكبوته جوايا ...أو يمكن ده بسبب الهوا "اللي بيلطش " ف وشي لما بفتح إزاز العربيع و"أصدَّر" وشي ف وش الهوا بجرب ابوسه _زي الهبله _ بيلطشني بسذاجته ... ولا ببطل أجرب أبوسه .. ولا بيبطل يلطشني ... مجنوووووووون ....