حالياً .. تتملكني رغبه غريبه إني أكتب أي حاجه وأنا عشان "عارف إني لسه نفسي وإني هابقي لنفسي خادم.. ساعتها بيتوه الكلام " قررت أفتح المدوّنه وأكتب .. مش عارفه هكتب عن إيه بس أدينا هنكتشف .. بس أنا مش ناويه أجيب سيره إمتحاناتي .. ولا هاقول إن التيرم ده أسوأ من اللي فات " مش هجيب إمتيازات التيرم ده " .. وبرضه مليش مزاج أتكلم عن ناس كده أخدت فيهم صدمات قويه أدت إلي إختلال العلاقه بيننا .. ومش عايزة أتكلم عن الناس "البلاستيك " .. وأرجوكم محدش يفكرني باللي أنا مش عايزة أفتكره .. وأنا هضغط علي نفسي ومش هجيب سيره إني مش راضيه عن الإستغلال العلني أو هو مش إستغلال .. ممكن أستهبال !! ..ممكن برضه
بس أنا عايزة أقول إني مبسوطه :D
مش عارفه ليه بس أنا مبسوطه الحمدلله .. بس مبسوطه مع التعديلات ... أحب أقول لأختي اللي كان نفسي تبقي موجوده _مع العلم أنا مليش أخوات بنات , بس كان نفسي يعني _ محدش أخد مكانك ولسه عندي أمل فيكي :D
وأحب أقول ...حاصر حصارك بالجنون وبالجنون وبالجنون .. ذهب الذين تحبهم .. ذهبوا فإما أن تكون .. أو لا تكون "محمود دريش"
بس أنا عندي سؤال ... يعني إيه " صحاب "؟؟ والأجابه اللي لقيتها ... ...." تمت "
ياااااااااه كنت بتنرفز جدا لما أكون مندمجه مع قصه ف أي مجله وألاقي الكلمه دي ف ذروة الأحداث ... أو " يتبع في الحلقه القادمه " ...
ليست هناك تعليقات:
إرسال تعليق