دنيا

حيطه وكانت مايله ...
وللسقوط ايله...
وفيها شق ضعيف
تقولشي جرح طفيف...
قربت منه لقيت ...
من خرم فيه بصت ...
... بالظبط ما اتمنيت
..قصر وكان عالي
ملك وكان خالي .
...علي وطن غالي ...
يأمر وكان عادل ...
وللعدو قاتل ....
والحق والباطل ..
اصبحوا فيه خطين...
من بعد ما كانوا اسد وله لجامين
...ولقيت كمان ورده ...
وحب وموده ...
وشجره وكمان نخله...
وشمس وسما صافيه...
علي بلاد دافيه ....
مفهاش ولاد حافيه...
و لا وطن للبيع
.... وعقولنا فيه صافيه
من غير شلل ولا ضيع.....
رجعت بسرعه قولت ده خرم ده ياعبيط !!!
ازاي خرم صغير ..
يخلي الدنيا بمبي ...
وانا هنا ف سواد ...
ومعايا حبيبي جنبي...
بنغني بصمتنا ..
اجمل اغاني الحب ..
والحب مادام م القلب
نملي العسل ونصب....
بايني سرحت تاني...
ورجعت لحلمي تاني...
حب ايه يا مجنون؟؟؟؟
شكلك ف عالم تاني ........
فعلا خرم غريب...
وفيه أناس منسيه..
فيه ناس تغني ياليل طول شويه
وناس كتير تنادي ...
يللا بسرعه الدور عليا....
اتاريها لا حيطه ولا حاجه؟؟؟
دي بتاعه كده حاجه..
تبص منها تلاقي ..
حلمك وحلم الكل...
الدنيا تصبح فل ...
ولا حاجه محتاجه ...
بس شويه سذاجه...
علي حبه من حماقه..
وتركب الناقه تروح لعم الكل..
تهديه ورد وفل..
يهديك حلم الكل..
من خرم ف صندوق بيطل
علي دنيا وكانت غابه