دولاب

في سكون الليل ... تحت اللحاف والبطانيه ... موبايلي جنبي ورنه جايه

قفلته ونمت .. والليله حلمت ... عجيبه اوي المره ديه

مش ليله زي كل الليالي ... ولا بالي هادي وخالي

كان فيه دوشه مغلباني ... لسه بفكر في اللي جالي

ف مره قالي انك ف بالي ... وانشغلت وقولت مالي

ده حاله وانا ادري بحالي

وافتكرت صحابي مره... قالوا يومها اني حره

اعيش معاهم ولا بره !!!

وجت ف بالي بسرعه فكره ... بس مش فكره عاديه

اسيب معاه مره بذره ... واروح اموت في الليله ديه

اخر ليله.. باخر نفس.. اخر اذان .. اخر جرس

بس ابعدوا عني الحرس .. سيبوا اللي جاي يتفرج يشوف

حد مات ف لحظه خوف ... من غير كسول من غير خجل ...

شال البذره من صحابه وراح راميها في الجبل ...

قال اما يمكن بكره تكبر ... وتشفي بعد شهور حبل

بس كان امله عبيط ... فكره شريد.. يمكن غويط !!!

طب كان راماها في المحيط .. او تروح وياه ف مماته .. وتندفن وسط التراب

غريبه اوي !!

ايه اللي جاب سيره الكلام من غير حساب ..

طب يللا بقي .. واقفللي باب واحد وتاب

وافتح حياه من غير دولاب ...

فيها الفرح اللي جاي من غير حساب